அவள் (கவிதைகள்)

211

அன்பு உன்னை நெய்தது

அதன் ஒளி என் மேல் பெய்தது.

<>

212

நேற்று தவறவிட்ட உன் 

நினைவொன்று

இன்று காலை கிடைத்ததில்

நாள் என் வசமானது.

<>

213

எத்தனை தூரம் நீ

எனை விட்டு அகன்றாலும்

இழுத்து என் அருகில்

இட்டுவிடுகிறது

உன் மீதான நினைவுகள்.

<>

214

ஒரு நாள் லீவு கொடேன்

சிந்தனைக்கு வேறொரு வேலை

வந்திருக்கிறது.

<>

215

நத்தைகள் குதிரைகளாயின

காத்திருந்து உனைப் பார்த்த நேரம்.

<>

216

மனதின் கதவுகளை

அடைத்துவிட்டுத் திரும்பினால்

உள்ளே நீ.

<>

217

உன் முகத்திரையில்

நொடிக்கொரு ஓவியம்.

<><><>