போதும் யுகத்துக்கு...

 அமுத சு ரபி...

அவர்தானா அது? திகைக்க வைக்கும் இன்னொரு அமுதக் குரலைத் தன் ’ஏற்கெனவே மதுரக் குரலு’க்குள் வைத்திருக்கிறார் ரஃபி.

‘Woh Jab Yaad Aaye..’ பாடலை அவர் பாடியிருக்கும் லாவகம்! லக்ஷ்மிகாந்த் பியாரிலால் முதல்முதலாக இசையமைத்து இசையுலகைக் கலக்கிய படத்தில். (’பாரஸ்மணி’)

அதே 1963 இல் வெளியான இந்தி நெஞ்சில் ஓர் ஆலயத்தில் (தில் ஏக் மந்திர்) அதே ரஃபி பாடிய ‘Yaad Na Jaaye…’வில் அந்த மதுரக் குரலைக் கேட்டு மனம் கசிந்து முடிப்பதற்குள் இதில் அசந்துபோனோம்.

முகமது ரஃபி. மென்குரல் அமுத சுரபி... இன்று பிறந்த நாள்.

இந்திப் படவுலகின் பொற்காலம் அதன் இசைக் கோலம். அதன் பெரும் பகுதியின் டாப் ஸிங்கராக அவர். சுண்டியிழுக்கிற அந்தக் குரலை வர்ணிக்க ‘மெஸ்மரைசிங் வாய்ஸ்’ என்றால் ஸர்ப்ரைசிங்காக இருக்காது.

ஷம்மி கபூருக்கும் பாடுவார். ஜானி வாக்கருக்கும் ஏற்பப் பாடுவார். அவர்தான் முகமது ரஃபி. ‘கும்நாம்’-இல் ”ஹம் காலே ஹை தோ கியா ஹுவா..”வில் மெஹ்மூதுக்கு ‘சித்தாடை கட்டிக்கிட்டு..’ ஸ்டைலில் பாடி விளாசியதை மறக்கமுடியுமா? "The she I love is a beautiful, beautiful dream come true…” என்று அதை அசத்தலாக ஆங்கிலத்திலும் பாடியிருந்தாரே..

டூயட்டில் ரெண்டொரு வரிதான் தனக்கு என்றாலும் இமேஜ் பார்க்காமல் இசை துவட்டுவார். “Aankhen Hi Aankhen Mein Ishara Ho Gaya..”’ பாடலில் பல்லவி மட்டுமே அவருக்கு. என்ன ஸ்டைலாக அதை நம் காதுக்கு வழங்கினார்!

‘யாஹூ’ என்கிற வார்த்தை பிரபலமடைந்தது இவரது அந்த பாடலினால். (Junglee) தொடர்ந்து ‘Professor’ ‘Evening in Paris’ ‘Kashmir ki Kali’ என்று ஷம்மி கபூரின் ஆஸ்தான வாய்ஸ் ஆகிக் போனார்.

‘அவர் இல்லாமல் என் பாடலே இல்லை!’ சொன்ன ஓ.பி.நய்யார் ஒருமுறை இவர் ரெக்கார்டிங்குக்கு லேட்டாக வந்தார் என்ற வருத்தத்தில் இவருக்கு பாடல் தருவதை நிறுத்தி விட்டார். ‘Tumsa Nahin Dekha’ ‘Aar Paar’ ‘Ek Musafir..’ படப் pop பாடல்களைக் கேட்ட நமக்கு அந்த pep சரியான நஷ்டம். வேதனை தந்த மற்றொரு பிரிவு ரஃபி - லதா டூயட்ஸ்.

“Chahungha Main Tujhe…” இவர் பாடும்போது கூடவே விரைந்தோடும் நம் மனம். லஷ்மி பியாரியின் உயிர்த்துடிப்பான பாடல்களுக்கு உடல் கொடுத்தது இவர் குரல்.

பின்னால் இவரை ஓவர்டேக் செய்த கிஷோர் குமாருக்கு ஆரம்ப காலத்தில் குரல் கொடுத்திருக்கிறார். Shararat… இல் வரும் “Ajab Hai…” ஒரு முத்து.

அந்தப் பதினான்காம் நாள் நிலவை யாரால் மறக்க முடியும்? “Chaudwin Ka Chand Ho…” முதல் பிலிம்பேர் அவார்ட். மறுபடி ரவியின் இசையில் ‘நீல் கமல்' பாடலுக்கு முதல் நேஷனல் அவார்ட். (“Babul Ki Duvayen Lethi..”)

டூயட் பாடல்களில் கிசு கிசுக்கிற தினுசில் ஓர் அன்னியோன்யம் தோன்றும் என்றால் சோகப் பாடல்களில் மனதைப் பிழிகிற உருக்கம் மிஞ்சி நிற்கும்.

ஓய்ந்து விட்டார் என நினைக்கையில் ‘நான் யாருக்கும் இளைத்தவர் இல்லை ‘ படத்தின் அனைத்துப் பாடல்களையும் பாடி அவர் யாருக்கும் இளைத்தவர் இல்லை என்று கண்டு (கேட்டுக்) கொள்ள வைத்தார். ('Hum Kisise Kum Nahin')

“துஜே மைன் சாந்த் கஹ்தா தா..” என்று எழுந்து, “மகர் உஸ் மேம் பி தாக் ஹை...’ என்று இறங்கி, “துஜே இத்னா ஹி கஹ்தா ஹூன்…” என்று ஆர்ப்பரித்து “தும்ஸே பியார் ஹை.. தும்ஸே பியார் ஹை..” என்று மெல்ல அடங்கும்போது அந்த சங்கர் ஜெய்கிஷன் பாடலை ஒரு சாட்டையாக சொடுக்கி நம் பிளஸ் வைஜயந்தியின் உணர்வுகளைக் கட்டிப் போடும் அழகு!

ஒரு ரஃபி தான். போதும் யுகத்துக்கு.

இரண்டு முறை...

அப்பா ஹாலிவுட்டில் மிகப் பிரபல நடிகர், ஆனால் அவர் வாங்குவதற்கு முன் ரெண்டு முறை ஆஸ்காரை வாங்கி விட்டார் மகள்!

Jane Fonda! பிரபல நடிகர் Henry Fonda வின் மகள். இன்று பிறந்த நாள்!

Tall Story என்ற படத்தில் முதல் முதலாக நடித்தார் அப்புறம் அவர் வெற்றிக்கதை ஒரு tall story!

1971 & 78 இல் ஆஸ்கார். ஹென்றிக்கு 1982 இல் தான் கிடைத்தது.

அப்பாவும் மகளும் அப்பாவும் மகளுமாக நடித்த ‘On Golden Pond’ தப்பாமல் பாராட்டை அள்ளிற்று.

பதினேழு மில்லியன் பிரதி விற்றது இவரது ஏரோபிக்ஸ் விடியோ 'Workout'. உடற் பயிற்சிப் பிரியர்.

நன்கொடைப் பிரியரும்கூட. ஹார்வர்ட் யூனிவர்சிடிக்கு அதுவரை யாரும் தராத 12.5 மில்லியன் டாலரை அள்ளித் தந்தவர்.

சொன்னது:

'சரியான வழி என்று நான் அறிந்த பாதையில் நடக்கத் தொடங்கும்போது என்னை முழுமையாக எடுத்துச் செல்கிறேன்.'

‘குறிக்கோளுடன் வாழ்வது முக்கியம் என நினைக்கிறேன் இல்லாவிடில் நாம் விதியின் வசத்துக்கு ஆளாக நேருமில்லையா?’

முந்திச் சிந்தித்தவர்...

‘இப்ப எனக்குப் புரிகிறது,’ என்றான் உலகின் கடைசி மனிதன்.’

பிரபல Scince Fiction எழுத்தாளர் Arthur C Clarke -இன் ஒரு வரி இது.

கப்பல் பாரம் சரியா இருக்க, அடைத்துவந்த குப்பை நியூஸ் பேப்பர்களில் வந்த விஞ்ஞானக் கதைகளைப் படித்தவர், பின்னாளில் பிரபல Scince Fiction எழுத்தாளரானார்.

Arthur C Clarke.. இன்று பிறந்த நாள்!

அரும்பியது விஞ்ஞானம் மீது காதல் எனினும் விரும்பியதைப் படிக்க வசதி இல்லாத வறுமை. ஆடிட் க்ளார்க் ஆக வேலை பார்த்தபடி எழுத ஆரம்பித்து…

ஸாட்டிலைட் வைத்து உலகம் பூரா டெலிகாஸ்ட் செய்து சௌகரியமாக உட்கார்ந்து டி.வி. பார்க்கிறோமே, அதைக் கண்டு பிடிப்பதற்கு 20 வருஷம் முன்பே இவர் எழுதிவிட்டார் அதைப் பற்றி, ‘Extra Terrestrial Relays’ என்ற தன் கட்டுரையில்!

விண்வெளிப் பயணங்களின் சாத்தியதை பற்றி 1950களிலேயே எழுதிவிட்டார். ஏன், விண்கல விஞ்ஞானிகளே ஆலோசனை கேட்க இவரிடம் வருவதுண்டு.

‘2001 A Space Odyssey’! எல்லாரும் பார்த்து ரசித்தோமே அந்த பிரம்மாண்ட ஹாலிவுட் படம்! அது 1951-இல் இவர் எழுதிய ‘The Sentinel’ என்ற சிறுகதை. 'இந்தப்படம் உங்களுக்குப் புரிந்தால் எங்களுக்குத் தோல்வி,' என்று விளம்பரப் படுத்தினார்கள். 'நிறைய கேள்விகளை எழுப்பவேண்டும் அது!'

'ஜோசியத்தில் எனக்கு நம்பிக்கையில்லை, நான் தனுசு. நாங்க சந்தேகப் பிராணிகளாச்சே?' என்பார். எப்படி ஜோக்?

கொஞ்சம் இவரது Quotes...

‘மொத்தத்தில் இரண்டு சாத்தியதை தான் உண்டு: பிரபஞ்சத்தில் நாம் தனியாக இருக்கிறோம் அல்லது இல்லை. இரண்டுமே ஒரே அளவு பயங்கரமானது; திகில் ஊட்டுவது.’

‘எந்தப் புரட்சிகரமான முன்னேற்றமும்நான்கு படிகளில் அமைவது. 1. அது மடத்தனம், என் நேரத்தை வீணாக்காதே. 2. சுவாரசியமா இருக்கிறது, ஆனால் ரொம்ப முக்கியமில்லை. 3. அது ஒரு நல்ல ஐடியா என்று நான் எப்போதுமே சொல்லி வந்திருக்கிறேன். 4. நான் தான் அதை முதலில் சொன்னேன்!’

‘இந்த ஒரு காலக்ஸியில் மட்டுமே 87000 மில்லியன் சூரியன்கள் இருக்கின்றன. எல்லாவற்றையும் மனிதன் எதிர்கொள்வது இயலாத காரியம். கோள்கள் ஒருநாள் அவன் வசமாகலாம். ஆனால் நட்சத்திரங்கள் மனிதனுக்கானவை அல்ல.’

‘இன்டர்நெட்டில் இருந்து தகவல் பெறுவது என்பது நயாக்ரா நீர் வீழ்ச்சியிலிருந்து ஒரு டம்ளர் தண்ணீர் பெறுவது.’

‘தகவல் அறிவு ஆகாது. அறிவு விவேகம் ஆகாது. விவேகம் தொலைநோக்கு ஆகாது. ஒன்றிலிருந்து ஒன்று... எல்லாமே வேண்டும் நமக்கு.’

‘இருப்பவர்களுக்கும் இறந்து போனவர்களுக்குமான விகிதத்தை வைத்துப்பார்த்தால் ஒவ்வொருவருக்குப் பின்னாலும் முப்பது ஆவிகள் நிற்க வேண்டும்!’

‘இப்போது நான் ஒரு அறிவியல் விற்பன்னர். அதாவது எதைப்பற்றியும் எனக்கு முழுமையாக தெரியாது.’

‘அடுத்து என்ன செய்வது என்பதே நிஜத்தில் வாழ்வின் ஒரே பிரசினை.’

‘உங்களால் என்ன முடியும் என்று கண்டுபிடிக்க ஒரே வழி அதையும் தாண்டி முயற்சிப்பது தான்.’

கலைக் குடும்பம்...

‘உங்களை மிக அழகானவராக கற்பனை செய்து கொள்ள வேண்டியதில்லை, ஏனெனில் நீங்கள் மிக அழகானவர்.’

சொன்னவர் யார்?

மூமின்ஸ் என்ற காமிக்ஸ் ஸ்ட்ரிப்ஸ் மூலமாக பூமியில் பிரபலமான நபர் அவர். (Moomins)

பின்லாந்தின் முன்னணி பெண் எழுத்தாளர்களில் ஒருவர். புகழ்பெற்ற ஓவியரும் கூட.

குடும்பத்தில் அத்தனை பேரும் கலைஞர்களாக இருக்கும் போது அதில் வளரும் ஒருத்தி மிகச்சிறந்த படைப்பாளியாக மாறக் கேட்கணுமா?

குழந்தைகளுக்கு எழுதுவதிலும் பெரியவர்களுக்கு எழுதுவதிலும் வல்லவர்.

Tove Jansson. எழுத்தாளர்... Aug.9. பிறந்தநாள்!

இன்னும் சொன்னவை சுவையானவை:

‘நீண்ட பிரயாணம் மேற்கொள்ள வேண்டும் நீங்கள், வீடு எத்தனை அற்புதமானது என்பதை கண்டுகொள்ள.’

‘ஒருவன் எல்லாவற்றையும் தானே கண்டுபிடித்தாக வேண்டும்; தானே அதிலிருந்து விடுபட வேண்டும்.’

‘யாரையேனும் அளவுக்கதிகமாக பிரமித்தால் சுதந்திரமாக இருக்கவே முடியாது.’

‘எல்லா விஷயங்களுமே மிகவும் நிச்சயமற்று இருக்கின்றன; அதுவேதான் என்னில் மீண்டும் நம்பிக்கை ஏற்படுத்துகிறது.’

‘பாலத்தில் படுத்துக்கொண்டு வெள்ளம் பாய்வதைக் கவனியுங்கள்; சிவப்பு பூட்ஸ்களை அணிந்துகொண்டு ஈர நிலத்தில் சிரமப்பட்டு ஓடுங்கள்; அல்லது மாடியில் உருண்டபடி கூரையில் மழை விழுவதை கேளுங்கள். தனக்குத்தானே அனுபவிப்பது ரொம்ப சுலபம்!'

‘உள்ளபடியே கடவுள் உதவுகிறார், ஆனால் நீ சொந்தமாக ஒரு முயற்சியாவது செய்த பிறகு தான்.’

‘மொத்தத்தில் இவ்வளவுதான் விஷயம்: ஒரு போதும் களைப்படையாதீர்கள், உற்சாகத்தை இழந்து விடாதீர்கள், வெறுமே இருந்துவிடாதீர்கள் - விலைமதிப்பற்ற உங்கள் ஆர்வத்தை இழந்து உங்களை சாக விட்டுவிடாதீர்கள். அவ்வளவுதான், விஷயம் ரொம்ப சிம்பிள்.’

காமெடி மன்னர்கள்!

 

விழுந்து விழுந்து சிரித்தவர்கள் வைத்திருக்கும் லிஸ்டில், விடாது இடம் பெறும் ஜோடி லாரல் ஹார்டி! 1940 களின் காமெடி மன்னர்கள்!

அவர் (லாரல்) ஏதாவது தத்து பித்தென்று பண்ணிவிடுவார். இவர் (ஹார்டி) கொடுக்கிற கோப ரீயாக்‌ஷன் இருக்கிறதே, அட்டகாசமா இருக்கும். அவர் இன்னஸெண்டாக ஒரு பலகையை தட்டிவிட, இவர் பொதேலென்று கீழே விழுவார். 'கொன்னுடறேன் பாரு!' கோபாவேசமாக எழுந்து துரத்துவார்.

ஹார்டிக்கு மேனர்ஸ், எடிகட் எல்லாம் முக்கியம். பதவிசாக அவர் பேசும் ஸ்டைலே அழகாயிருக்கும். லாரல் ஆல்வேய்ஸ் கவனப் பிசகு. அதனால் நேரும் அவதி ஹார்டிக்கு! பல்லைக் கடிப்பதும் தலையைப் பிய்ப்பதுமே இவர் வேலையாகிவிடும்.

எப்படி உருவாச்சு இந்த comic duo? மூணு படங்களில் அவங்க சேர்ந்து நடித்த காட்சிகளில் ஜனங்க ரீயாக்‌ஷனைப் பார்த்த ஸ்டூடியோ டைரக்டர் Leo McCarey அந்த காமெடி ஜோடியை தொடர்ந்து போட்டு படங்களை எடுக்க ஆரம்பித்தார். அவர்களும் கைவரிசையைக் காட்ட, விமரிசையாக ஓடின படங்கள் வரிசையாக...!

1932 இல் ஆஸ்கார் Best Short Film அவார்ட் கூட வாங்கிவிட்டார்கள். ‘Saps at Sea,’ ‘Chums at Oxford,’ 'Way out West’ எல்லாம் காமெடி காவியங்கள்.

எப்பவும் அப்பாவை உதைக்கிறாரேன்னு ஹார்டியைக் கண்டாலே ஆகிறதில்லே லாரல் பொண்ணுக்கு. அவளுக்காகவே 'One Good Turn' படத்தில் ஹார்டியை தான் உதைப்பதாக சீன் வைத்தார் அப்பா லாரல்.

John Wayne -உடன் நடித்த ஒன்றுமாக மொத்தம் 417 படங்கள் நடித்துவிட்டார் ஹார்டி. Babe Hardy என்ற பெயரில் நடிக்க ஆரம்பித்தவர் பெயரை Oliver Hardy ஆக்கியவர் நியூமராலஜிஸ்ட்.

ஹார்டி கண் மூடியபின் லாரல் மூவீ காமிரா முன் வர முன்வரவேயில்லை எத்தனையோ அழைப்பு வந்தும்!

Stan Laurel... ஜூன் 16. பிறந்தநாள்!

எப்போதும் காதில்..

எப்போதும் காதில்..

கே.பி.ஜனார்த்தனன்

ஐபாட் ஸ்பீக்கரை காதில் செருகியபடியே சமையலைக் கவனித்துக்கொண்டிருந்த மனைவி பத்மாவைப் பார்க்கப் பார்க்க பாஸ்கருக்கு எரிச்சலாக வந்தது.

அவளைக் காதலித்து மணந்தவன் அவன். பெரிய சங்கீத வித்வானான தந்தையைப் பகைத்துக்கொண்டு பதிவுத் திருமணம் செய்து கொண்டவனுக்கு அவளிடம் பிடிக்காத ஒரே விஷயம் இது ஒன்றுதான்.

லேசாய் சொன்னால் கேட்பதாயில்லை. அன்றைக்கு சண்டை பெரிதாகி விட்டது. "அப்படி என்ன எப்பவும் பாட்டு வேண்டிக் கிடக்கு?"

அவள் சொன்னாள்: "உங்க அப்பாவோட சண்டைபோட்டுட்டு அவர் மேலே உள்ள கோபத்தில் அவர் சம்பந்தப்பட்ட எந்த பொருளைக் கண்டாலும் வெறுக்கிறீங்க. ஆனா நானோ ஆர்வத்தோடு அவர்கிட்ட சங்கீதம் படிக்க வந்து அங்கே உங்களை சந்திச்சு காதலிச்சு கல்யாணம் செஞ்சுக்கிட்டேன். அவரோட உயர்ந்த இசையைக் கேட்காம என்னால இருக்க முடியலே. அதான் உங்களுக்கு கேட்காத விதத்தில் மாமாவோட பாட்டைக் கேட்டு ரசிக்கிறேன். தப்பாங்க?" பாஸ்கருக்குக் கோபம் வரவில்லை.

('குமுதம்' 27 8 2008 இதழில் வெளியானது.)

ஆஸ்கார் நாலு அள்ளியவர்...

நாலைந்து படம் நன்றாக நடித்து அதில் ஒன்றுக்கு ஆஸ்கார் அவார்டும் வாங்கினாலும், எதிர்பார்க்கப்படும் எந்த படோபடோபமும் அந்த நடிகையிடம் இல்லை. இமேஜ் பில்டிங் சுத்தம். நிருபர்களைக் கண்டால் ஓட்டம் (ஒரு முறை விமான விசிறியில் மாட்டிக் கொள்ளப் பார்த்தாராம்) பிராட்வே நாடக மேடைக்கு திரும்பினால் சரியான வரவேற்பு இல்லை. திரும்ப ஹாலிவுட்டுக்கு போனால் கிடைத்த படங்கள் ஓடவில்லை. ‘பாக்ஸ் ஆஃபீஸ் பாய்சன்’ என்றனர் வழக்கம்போல.

மனம் தளரவில்லை. மறுபடியும் மேடைக்கு வந்தார். நடித்த ‘The Philadelphia Story’ சூப்பர் ஹிட். அதன் ரைட்ஸ் வாங்கி, ரைட்டான டைரக்டரை அமர்த்தி, கேரி க்ராண்டையும் ஜேம்ஸ் ஸ்டீவர்டையும் போட்டு தானே தயாரித்தார் படமாக. அதுவும் சூப்பர் ஹிட். நட்சத்திரமானார்.

Katharine Hepburn.. (1907 - 2003) பாலிவுட்டின் சாவித்திரி… இன்று பிறந்த நாள்!

12 முறை, ஆமாம், 12 முறை நாமினேஷன் பெற்று (ஒரு தடவை கூட விழாவுக்கு போகவில்லை) அதில் ‘நான்கு முறை’ ஆஸ்கார் அவார்ட் வாங்கிய ஒரே நடிகை. கின்னஸ் ரிகார்ட் அது.

ஸ்பென்சர் டிரேசியுடன் நல்ல ராசி. ஒன்பது படங்களில் ஜோடியாக. கடைசிப் படம் மிகப் பிரபலம். ‘Guess Who’s Coming to Dinner?’ மற்றொன்று ‘Adam’s Rib.’ கணவரை கொலை செய்ய முயன்றதாக அந்தப் பெண் மீது வழக்கு. போலீஸ் தரப்பில் வாதாடும் வக்கீல் பானர். ஆனால் அந்தப் பெண்ணுக்காக ஆஜராகிறார் பானரின் மனைவி அமெண்டா. இருவருக்கும் சரியான நடிப்பு போட்டி.

உறுதி கொண்ட பெண் காரக்டர்களை சித்தரிப்பதில் விற்பன்னரான காதரின், கேரி க்ராண்டுடன் நடித்த சிரியோ சிரி படத்தைப் பற்றி (‘Bringing up Baby’) வேறொரு நாளில் எழுதியிருந்தேன்.

எண்டர்டெய்ன்மெண்ட் வீக்லி 1999 இல் நடத்திய சிறந்த கிளாஸிக் நடிகை போட்டியில் மற்றொரு ஹெபர்னை (Audrey Hepburn) விளிம்பில் வென்றவர்.

‘எந்தக் கலை ஆனாலும் சரி அதில் உயரத்தில் இருப்பவர்கள் தாங்கள் மேலே இருப்பது தங்கள் திறமையினாலா அல்லது அதிர்ஷ்டத்தினாலா என்று ரகசியமாக வியந்து கொண்டிருப்பார்கள், அவர்களுக்கு நேரம் இருந்தால்,’ என்று நினைக்கும் இவர் சொல்வது, ‘கஷ்டப்படுவது எத்தனை சுவையானது என்பதைப் புரிந்து கொள்ளும் யோகம் எல்லாருக்கும் வாய்ப்பதில்லை.’

உற்சாகமூட்டும் இவர் வார்த்தைகள்: ‘சில சமயம் வாழ்க்கை கொடூரமான சோகமாக இருக்கலாம். எனக்கும் இருந்திருக்கிறது. ஆனால் உங்களுக்கு என்ன நேர்ந்தாலும் சற்றே நகைச்சுவையுடன் எதிர்கொள்ளுங்கள். இறுதியில் பார்த்தால் வாழ்வில் நீங்கள் சிரிக்க மறந்து விடக்கூடாது என்பதுதான் முக்கியம்.’

‘உங்களுக்குப் பிடித்த விஷயங்களை செய்யுங்கள், குறைந்தபட்சம் ஒரே ஒரு நபராவது திருப்தியுடன் இருப்பார்.’

சொன்னாரே ஒன்று தமாஷாக: ‘Life is hard. After all, it kills you.’

கெலிக்க முடியாத எலிகள்...

ஹேம்லின் நகரத்தில் கெலிக்க முடியாத எலித்தொல்லை. எதுவும் பலிக்கவில்லை. என்னிடம் விடுங்கள் என்று வந்தார் அந்த பைப் வாசிப்பவர். 40000 ரூபாய் பேசுகிறார்கள். அவன் பைப் வாசித்ததும் அத்தனை எலிகளும் கேட்டுக் கிறங்கி அவன் பின்னால் பைப் லைனாக அணிவகுத்தன. அப்படியே அழைத்து சென்று ஆற்றில் நடந்து எலிகளை மூழ்க வைத்தான். எலிகள்தான் எலிமினேட் ஆயாச்சே? 2000 தான் தருவேன் என்கிறார்கள். அவன் மறுபடியும் பைப்பை வாசிக்கிறான். கேட்டு மயங்கிய அந்த ஊர் குழந்தைகள் அவனைத் தொடர அழைத்துச் செல்கிறான் காட்டுக்கு...

‘The Pied Piper of Hamelin’ பிரபலமான அந்தக் கவிதையை எழுதியவர் ...

Robert Browning.. இன்று பிறந்த நாள்.

நோய்வாய்ப்பட்ட அவருடைய பப்ளிஷர் நண்பர் மகன், நேரம் போகாமல் படம் வரைவதற்கு ஒரு கதை கேட்டபோது இவர் கவிதையாக சொன்னதுதான் இந்தக் கதை.

அப்பா வைத்திருந்த 7000 புத்தக லைப்ரரி ஆர்வத்தை கிளப்ப, சின்ன வயதிலேயே தீர்மானித்துவிட்டார் கவிஞராக வேண்டும் என்று.

கவிதாயினி Elizabeth Barrette மீதான காதல் ஒரு காவியக் கதை.

ஆழமான வரிகளை வரைந்தவர். சில இதோ...

‘எட்டுவதற்கு மேலாக இருக்க வேண்டும் மனிதன் அடைவது; சொர்க்கம் என்று ஒன்று இருப்பது வேறு எதற்காக?’

'பளிங்கு என்று இளமை நினைத்ததை, பனித்துளி என்று கண்டுபிடிக்கிறது முதுமை!'

‘என் சூரியன் மறைவது, மீண்டெழுவதற்கே.’

‘எளிய அழகு மட்டுமே உங்களுக்கு கிடைத்தது வேறு எதுவும் கிடைக்கவில்லை என்றால் 

கடவுள்  உருவாக்கிய மிகச்சிறந்தது உங்களுக்கு கிடைத்திருக்கிறது  என்று அர்த்தம்!’

‘அன்பு, அச்சம், எதிர்பார்ப்பு, நம்பிக்கை:

இவற்றால் ஆனதே  மனிதம். இவையே அதன் அடையாளம், லயம், தன்மை.’

‘எவ்வளவு வருத்தமாக, எவ்வளவு மோசமாக எவ்வளவு கிறுக்குத் தனமாக இருந்தது! ஆனால் எப்படி அது இனிமையாக இருந்தது?’

>><<

கல்வியின் பெருமையை சொன்னவர்...

அமெரிக்க கல்வியின் தந்தை என்று அவர் அழைக்கப்படுகிறார். ‘கல்வி என்பது அனைவருக்கும் இலவசமாக வழங்கப்பட வேண்டிய ஒன்று, தகுதி வாய்ந்த ஆசிரியர்களைக் கொண்டு,’ என்று ஆயிரத்தி எண்ணூறுகளில் பேசியவர். "வறுமையை ஒழிக்கவும் குற்றங்களைக் குறைக்கவும் அதுவே உதவும்."

Horace Mann… (1796 - 1859) இன்று பிறந்த நாள்!

இளமையில் வறுமையில் உழன்றவர் பயின்றது பெரும்பாலும் நூலகங்களில்..

ஸ்கூல் சிஸ்டம் ஆரம்பித்து வைத்தவர்களில் முக்கியமானவர். ஒரு கிளாஸில் எல்லா மாணவர்களும் என்பதில் தொடங்கியது வயதுக்குத் தகுந்தபடி தனித்தனி கிளாஸ் என்று வளர்ந்தது.

இந்த ஹோம் வொர்க்! கண்டுபிடிச்சது யாருன்னு குமுறுவாங்க சில பசங்க. அது இவரு இல்லீங்க. ஆனா அதை ஒரு முக்கியமான விஷயமா கொண்டு வந்ததில் இவர் பங்கு இருக்கு...

ஊர்ஸெஸ்டர் என்ற ஊரில் அமெரிக்காவின் முதல் மனநல மருத்துவமனை ஏற்பட்டதன் பின்னால் இவரது உழைப்பு மிக.

மாணவர்களுக்கு அவர் சொன்னது: ‘மனிதகுலத்துக்கு ஏதேனும் வெற்றி தராமல் மரணம் அடைய வெட்கப்படுங்கள்!’

இன்னும் சொன்னவை: ‘புத்தகங்கள் இல்லாத வீடு ஜன்னல்கள் இல்லாத அறையை போன்றது.’

'காணவில்லை! நேற்று சூரியோதயத்துக்கும் அஸ்தமனத்துக்கும் இடையில் இரண்டு பொன் மணி நேரம். அறுபது வைர இழைகளால் ஆனது. கண்டுபிடிப்பவர்களுக்கு எந்த பரிசும் கிடையாது. அவை காணாமல் போனது போனதுதான்.'

‘மற்றவர்களுக்கு நாம் செய்யும் ஆகப் பெரிய சேவை, அவர்கள் தங்களுக்குத் தாங்களே உதவிக் கொள்ளச் செய்வதுதான்.’

‘வாழும்போது செய்யும் தர்மம் சாகும்போதும் செய்யும் தர்மத்தை விட வித்தியாசமானது. இது தாராள மனதுடன் பரோபகார சிந்தையில் எழுவது. மற்றது பயத்தில் அல்லது கௌரவத்தில் எழுவது.’

‘மாணவனிடம் கற்றுக் கொள்ளும் ஆர்வத்தை உருவாக்காமல் ஓர் ஆசிரியர் கற்றுக் கொடுக்க முயற்சிப்பது குளிர்ந்த இரும்பில் சுத்தியலால் அடிப்பது போல.’

‘பழக்கம் என்பது ஒரு கயிறு. தினம் ஒரு இழையாக பின்னுகிறோம், கடைசியில் அதை அறுக்க முடியாத அளவுக்கு.’

‘நன்றாக எண்ணுவது நன்று. நன்றாகச் செயல் படுவது தெய்வீகமானது.’

‘கல்லாத வரையில் ஒரு மனிதன் தன் முழு உயரத்தை அடைவதில்லை.’

‘மற்றவர்களுக்கு எதுவுமே செய்யாமல் இருப்பது நம்மையே இழப்பதாகும். பரிவுடனும் தாராளமாகவும் இல்லாவிடில் வாழ்வின் சிறந்த பகுதியை இழக்கிறோம். தன்னை விட்டு வெளியே செல்கிற இதயம் இன்னும் பெரிதாகி இன்பத்தால் நிரம்புகிறது. அக வாழ்க்கையின் மிகப்பெரும் ரகசியம் இதுதான். மற்றவர்களுக்கு ஏதேனும் செய்வதன் மூலம் நமக்கு நாம் பெரும் நல்லது செய்கிறோம்.'

தப்பாத கணக்கு...

ஒன்றிலிருந்து நூறு வரை உள்ள எண்களின் கூட்டுத் தொகையை சொல்லுங்கன்னு கேட்டால் ஒன்றிலிருந்து பத்து நிமிடமாவது எடுத்துக்கொள்கிறீர்கள் இல்லையா? ஒரு நிமிடம் கூட எடுத்துக் கொள்ளவில்லை அந்தப் பையன். அசந்து விட்டார் ஆசிரியர். எப்படி? இறுதி பாராவில்.

கணிதத்தில் ஏற்பட்ட ஏகப்பட்ட முன்னேற்றங்களுக்கு காரணமான இந்த ஜெர்மானியர் ஆகப்பெரிய கணித மேதை என்று அழைக்கப்படுகிறார். ஆனாலும் பாவப்பட்ட அம்மாவுக்கு அவரைப் படிக்க வைக்க வசதியின்றி பிரன்ஸ்விக் பிரபுவை உதவி கேட்க வேண்டியதாக இருந்தது.

Carl Friedrich Gauss (1777 - 1855)..... இன்று பிறந்த நாள்! (எழுதப் படிக்கத் தெரியாத அம்மா சொன்ன குறிப்பை வைத்து ‘கணக்குகளை’ப் போட்டு அவரே கண்டுபிடித்தாராம் தன் பிறந்த நாளை என்பாங்க!)

மூன்று வயதில் அப்பா போட்ட தப்புக் கணக்கு ஒன்றைத் திருத்தியது அவர் காட்டிய பல ஆச்சரியங்களில் ஒன்று. ப்ரைம் நம்பர்கள் தோன்றும் முறையை கண்டுபிடித்தது 15 வயதில் என்றால் 19 வயதில் பதினேழு கட்ட ரெகுலர் polygon-ஐ வெறும் காம்பஸ், ஸ்கேல் வைத்துப் போட்டுக் காட்டினார்.

Fundammental Theory of Algebra வை நிருபித்த போது வயது 22. அடுத்த 2 வருடத்தில் கணித உலகை பல அடுத்த கட்டங்களுக்கு எடுத்துச் சென்ற ’Disquistiones Arithmmeticae’ புத்தகத்தை எழுதினார்.

Least square method-ஐ வரையறுத்ததோடு அதை வைத்து வரைந்து, விரைந்து கண்டுபிடித்தார் விண்வெளியில் சஞ்சரிக்கும் கிரகங்களின் சுற்றுப்பாதையை அளவிடுவதை. அறிவியலின் ராணி கணிதம் என்றவர் அந்தக் கணிதத்தின் ராணி என்ற நம்பர் தியரியில் புகுந்து விளையாடினார்.

மின்னல் மாதிரி ஒரே ஒரு முறை கண்ணில் பட்டுச் சென்ற Ceres உபகிரகம் அப்புறம் எப்போ அப்பியர் ஆகும்னு சொன்னாரோ அப்போ தப்பாமல் ஆனது அது! சுமார் 200 வருடத்திற்கு முன் Modular Arithmetic இல் அவர் எழுதியது இன்று கம்ப்யூட்டர் சயின்ஸில் உதவுகிறது..

அறிவியலின் அந்தப்புரங்களில் ஒன்றிலிருந்து ஒன்றாக சுற்றித் திரிந்தவர் மின்காந்தத் தோட்டத்தில் சாதித்ததை நாம் மறந்து விடவில்லை. மேக்னெட்டிக் இண்டக் ஷனை அளப்பதற்கான யூனிட்டுக்கு Gauss என்று இவர் பெயர் தான் இட்டிருக்கிறோம் இல்லையா?

தன் வழிமுறைகளை விலாவாரியாக எழுதி வைத்துவிட்டு போகாதது, தன் பசங்களை அறிவியல் பக்கம் வரவேண்டாம் என்று அறிவுறுத்தியதையெல்லாம் சொல்வார்கள், அதையெல்லாம் ஆராய்ந்து கொண்டிருக்க வேண்டாமே? மேதைகளின் பாதைகளில் வாதைகள் ஆயிரம் இருக்கலாம்…

Quotes?

‘அறிவது அல்ல, கற்றுக்கொள்வதே; அடைவது அல்ல, முயற்சிப்பதே; அங்கே இருப்பது அல்ல, அங்கே செல்வதே ஆகப் பெரும் சந்தோஷம் தருவது!’

‘ஒரு விஷயத்தைத் தெளிந்தறிந்து சோர்ந்தவுடன் அதிலிருந்து விலகுகிறேன், மறுபடியும் அறியாமையின் இருளுக்குள் செல்ல.’

‘ஒருபோதும் திருப்தி அடையாததே மனிதனின் இயல்பு. ஒன்றைக் கட்டி முடித்தான் என்றால் அதில் அமைதியாக உறைவதில்லை, அடுத்ததைக் கட்டத் தொடங்குகிறான்.’

‘மிகக்குறைந்த வார்த்தைகளில் எத்தனை அதிகம் சொல்ல முடியுமோ அத்தனை சொல்லும் வரை நான் திருப்தி அடைவதில்லை. சுருக்கமாக எழுதுவது, நீளமாக எழுதுவதைவிட அதிக நேரம் எடுத்துக் கொள்கிறது.’

விடை: அவன் செய்ததெல்லாம் 50 -ஐ 101 ஆல் பெருக்கியதுதான். அத்தனை எண்களையும் 1+100, 2+99, 3+98 இப்படி அடுக்கிக் கொண்டே வந்தால் மொத்தம் ஐம்பது 101 கள் தானே வரும்? அப்புறம் என்ன, ஐந்தே விநாடியில் பெருக்கி சொல்ல வேண்டியதுதானே, 5050 என்று?

அழகில் அழகு...

‘Camp Nowhere’ 1994 இல் வந்த படம். ரெண்டு வாரத்துக்குத்தான் ஏதோ ஒரு சின்ன வேடத்தில் நடிக்க அந்தப் பெண்ணைக் கூப்பிட்டு இருந்தாங்க. முக்கியமான நடிகை ஒருவர் திடீரென்று ஒதுங்கிக் கொண்டார். என்ன செய்வது? யோசித்த டைரக்டர் இவரை அந்த ரோலுக்கு ப்ரமோட் செய்தார். அசத்திவிட்டார் அந்தப் பாத்திரத்தில். சின்ன, பெரிய திரை இரண்டிலும் ஸ்டார் ஆகிவிட்டார்.

Jessica Alba… அழகிய நடிகைகளில் மிக அழகிய நடிகைகளில் ஒருவர். April 28. பிறந்த நாள்.

‘Fantastic Four’ (2005) இன் விண் பெண் உடனே நினைவுக்கு வருவார். நான்கு பேர் சென்ற அந்த விண்வெளிக்கலம் காஸ்மிக் கதிர் வீச்சுக் கற்றை மேகம் ஒன்றில் மோதி விட அது அவர்கள் உருவை அடியோடு மாற்றிவிட.. உருவில்லாமலே போன மிஸ் எக்ஸாக வருவார் இவர் அதில். செமத்தியான வேடம். செம ஹிட் படம். அங்கேதான் சந்தித்தார் அசிஸ்டன்ட் டைரக்டராக இருந்த தன் வருங்கால கணவரை. பார்ட் 2 விலும் விண் பவனி வந்தார்.

ஐந்து வயதில் ஆக்ஸிடென்டில் கண் இழந்து விட்ட பெண் வயலினிஸ்ட் அவள். ஆப்ரேஷன் செய்து மாற்று கார்னியாவை ஏற்றுக்கொண்டால்... இப்ப கொஞ்சம் அதிகமாகவே தெரிகிறது! அச்சுறுத்தும் காட்சிகள். செத்துப் போனவர் கூட கண்ணுக்கு தெரிகிறார். என்ன விசித்திரம்! தேடிக்கொண்டு புறப்படுகிறாள் கண் அளித்தவரையும், காரணத்தையும்.. ‘The Eye’ அவருடைய கண்ணான படங்களில் ஒன்று.

சூப்பர் ஹியூமன்பீயிங் ஆக ஜீன் மாற்றப்பட்டவராக வரும் ‘Dark Angel’ -இல் இன்னொரு வித்தியாசமான ஜெஸிகாவைப் பார்க்கலாம். சொல்லணுமா ‘ஸன் ஸிற்றி' பற்றி? ('Sin City' 2005)

ஐந்து வயதிலேயே ஆர்வம் நடிப்பில். சின்ன வயசில் ஹாலிவுட்டை சுற்றிப் பார்க்க வந்தபோது ஏன் நானும் இங்கே வசிக்கக் கூடாது என்ற நினைப்பு ஓடியதாம் மனதில்..

‘பாத்திரத்துக்கு ஏற்ற தோற்றத்தை வழங்கினால் போதாது, ஏற்ற நடிப்பை வழங்க முடிய வேண்டும், இல்லாவிட்டால் நான் காணாமல் போய்விடுவேன்,’ என்கிறார்.

‘கல்யாணம் செய்து குடும்பம் நடத்துவதன் பியூட்டி என்னவென்றால் உங்களுடைய எல்லா விஷயத்தையும் இன்னொருவருடன் பகிர்ந்து கொள்கிறீர்கள், அவர் வாழ்க்கையின் ஒரு பங்காக இருப்பதற்கு உறுதி தருகிறீர்கள்..’ என்று வாழ்வின் அந்த அழகிய தருணத்தை கொண்டாடுகிறார்.

'மிக அழகானவர்கள்' பட்டியல்களில் மிக அதிகமாக இடம்பெறும் இவர் சொல்லுவது, ‘எல்லோருமே அழகுதான்,, மனசுக்குள் அழகானவராக இருப்பதுதான் முக்கியம்.’

ஹாலிவுட்டின் ஒரு பானுமதி...

புகை என்றால் தன் காதலனுக்குப் பகை என்பதால், தான் சிகரெட் பிடிப்பதை எப்படியாவது நிறுத்த வழி கேட்டு அந்த சைக்கோதெரபிஸ்டிடம் வருகிறாள் டெய்சி. அவர் அவளை ஹிப்னாடைஸ் செய்ததில் அவளுடைய முன் பிறவிகள் ஒவ்வொன்றுக்கும் உள்ளே போய் வருகிறாள். அதில் ஒன்றில் அவள் பிரபல நாட்டியக்காரி மெலிண்டாவாக இருந்திருக்கிறாள் என்று தெரிகிறது. மெலிண்டாவின் தீவிர அபிமானியான டாக்டர் மிரண்டார், இதாண்டா நான் தேடின பெண்ணென்று! உடனே டெய்சியை காதலிக்கிறார். அவளும் அவரை.

ஆனால் பாருங்கள் அவர் காதலிப்பது தன்னை அல்ல, தன்னுள் இருக்கும் மெலிண்டாவைன்னு தெரிய வந்ததும் - எந்தப் பெண்ணாவது சம்மதிப்பாளா? - உதறி விடுகிறாள். அவரோ விடாப்பிடியாக கெஞ்சுகிறார். மறுபடி தன்னுள்ளே சஞ்சரித்து வந்தவள் அவருக்கு அந்த சந்தோஷச் செய்தியை கொடுக்கிறாள்: “கவலைப்படாதீங்க, என் அடுத்த பிறவி லாரா உங்களைத் தான் கல்யாணம் செய்து கொள்ளப் போகிறாள் அம்பது வருஷத்துக்குப் பிறகு!”

‘On a Clear Day You can See Forever’ (1970) படத்தில் டெய்சியாக வந்து கலக்கியவர்…

Barbara Streisand. இன்று பிறந்த நாள்..

ஹாலிவுட்டின் ஒரு பானுமதி. ஆம், பாடகியும் நடிகையும்!.. ஏன் டைரக்டரும் திரைக்கதாசிரியரும் கவிஞரும் தயாரிப்பாளரும் கூட. சென்ற நூற்றாண்டின் மிக அதிக ரெக்கார்டு விற்பனையான பாடகி!

நைட் கிளப் பாடகியாக துளிர்த்து, பிராட்வே நாடகங்களில் மிளிர்ந்து, டிவி சிரீஸில் ஒளிர்ந்து, திரைக்கு வந்தார் மனம் குளிர்ந்து. ஒமர் ஷரிஃபுடன் நடித்த முதல் படத்திலேயே சிறந்த நடிகைக்கான ஆஸ்கார்! பென்ஹர் புகழ் வில்லியம் வைலர் டைரக்ட் செய்த படமாச்சே? ஒரே படத்தில் நட்சத்திரமானார். அதே பிறந்தநாள் கொண்ட ஷர்லி மக்லீனுக்குப் போவதாயிருந்த ரோல் அது.

இவரின் ‘The Way We Were’ படப் பாடலை கேட்டால் மிகச் சிறிய விமானமொன்றிலேறி மிக உயரத்தில் வளைய வருவது the way you will feel! லிங்க் கீழே.

இவர் இயக்கிய ‘Yenti’ படத்தைப் பார்த்துவிட்டு புகழ்ந்து தள்ளிவிட்டார் ஸ்டீவன் ஸ்பீல்பர்க். வேறென்ன வேண்டும் திறமையை சொல்ல?

ஆஸ்கார், கிராமி, எம்மி, டோனி, கோல்டன் க்ளோப் என்று நடிப்பு, பாட்டு, நாடக மேடைக்கான அத்தனை டாப் அவார்டுகளையும் அள்ளிக் கொண்ட ஒரே நடிகை.

இவ்வளவும் சாதித்தவர் சொன்னது: நான் உருப்படுவேன்னு எங்க அம்மா நெனைக்கவே இல்லை.

புரியாத புதிர் இல்லை..

 

ஒரு புதிர்...

ஆடு மேய்த்துக் கொண்டிருந்த அவர் தாத்தா, தானே கணிதமும் வானியலும் பயின்று தன்னை ஆசிரியராக்கிக் கொண்டார் என்றால் பேரன் என்ன கற்றுக் கொண்டிருப்பார்?

ஆமா, புதிர்களை உருவாக்குவதே அவர் ப்ரொஃபெஷனாயிற்று.

அவர் புரியாத, புதிர் ஒன்று இல்லை.

அவர் Henry Dudeney.. இன்று பிறந்த நாள். (1857)

புதிரெழுத ஆரம்பித்த வயது 9. புனை பெயரைப் (Sphinx) போலவே சிங்கம்தான் அதில். ஏன், உலகின் முதல் 'நம்பர் க்ராஸ்வர்ட்' இவர் தயாரித்ததுதான். தவிர, செஸ்ஸில் லேசில் செக் சொல்லமுடியாத 'கிங்'!

அக்காலத்தில் பிரபலமானது Haberdasher’s Puzzle. ஒரு சமபக்க முக்கோணத்தை 4 துண்டுகளாக வெட்டி ஒரு சதுரமாக்க வேண்டும், எப்படி? செய்து காட்டி Royal Societyயில் அப்ளாஸ் வாங்கினார்.

ஏற்கெனவே பிரபலமாயிருந்த Sam Loyd உடன் பழகி அவருக்கு அனுப்பிய புதிர்களை அவர் ஏன் தன் பேரில் வெளியிட்டார் என்பது 'புரியாத புதிர்' இவருக்கு.

டிட்பிட்ஸிலிருந்து ஸ்ட்ரேண்ட் மேகசைன் (30 வருஷம்) வரை புதிர் சப்ளை செய்த இவர் ஆர்தர் கானன்டாயிலின் நண்பர்.

'வார்த்தை - எண் புதிர்' இவர் ஸ்பெஷாலிடி. எழுத்துக்களான எண்களைக் கண்டு பிடித்தால் கணக்கு சரியாயிருக்கணும். இதோ ஒன்று.

S E N D +

M O R E

__________

M O N E Y

முடிகிறதா (அல்லது விடையை கீழே பாருங்கள்!)

ஒரு நல்ல பஸிலை தீர்க்க புத்தி கூர்மை, கணிதம், லாஜிக் மூன்றும் தேவை என்கிறார். கணிதத்தின் வளர்ச்சியில் puzzle solving முக்கியமான பங்கு வகிப்பதாயிற்றே?

புத்திசாலித்தனமாக குழந்தைகள் வளர அவர்களுக்கு புதிர்களில் ஆர்வத்தை ஏற்படுத்தலாமே?

>><<

விடை: 9567+ 1085=10652

ஜாக்கி சானின் ஃபேவரிட் ..

பாரிசிலிருந்து பிரஸல்சுக்கு ரயிலில் போகும் மில்லியன்களைச் சுருட்டத் திட்டமிடுகிறார் அதன் காவல் பொறுப்பில் இருக்கும் மேத்யூ. அதே பணத்தைக் குறிவைத்து நண்பனுடன் ரயில் ஊழியர் மாதிரி ஏறிக் கொள்ளும் ஆர்தர் அதைக் கொள்ளையடித்து வெளியே வீசினால், அது மிகச் சரியாக மேத்யூ அமர்த்திய ஆட்கள் நிற்கும் இடத்தில் விழுகிறது. அவர்கள் கையிலிருந்து அது வழி மறித்துக் கைப்பற்றுகிறது போலீஸ் ..என்று சொல்லிக்கொண்ட மற்றொரு கொள்ளைக் கூட்டம். ஃபிரேமுக்கு ஃபிரேம் சிரிப்பும், காட்சிக்குக் காட்சி திருப்பமும்! 1969 -இல் வந்த ‘The Brain’ படத்தில் ஆர்தராக வந்து அசத்திய Jean Paul Belmondo -வை மறந்திருக்க முடியாது. பிரெஞ்சுப் படங்களின் டாப் ஸ்டார். ஹாலிவுட்டிலும் பிரபலம்.

Jean Paul Belmondo... இன்று பிறந்த நாள்.

நம் ஃபேவரிட் ஆன ஜாக்கி சானின் ஃபேவரிட் ஆன இவர் சண்டைக் காட்சிக்கு டூப் போட்டதில்லை. ஆன்டி ஹீரோ பாத்திரங்களை அழகாகச் செதுக்கிய இவர் தந்தை ஒரு சிற்பி.

சோஃபியா லாரனுடன் நடித்த ‘Two Women’ ஒரு சூபர்ஹிட் என்றால் நம்ம ஊரிலும் நல்லா ஓடிய ‘That Man from Rio’ மற்றொன்று. Bond படங்களின் ஸ்பூஃப்! ஹாலிடே பாஸை வைத்துக்கொண்டு காதலியைப் பார்க்க வந்தால் அவளைக் கடத்திக் கொண்டு போயிருக்கிறது ஒரு கூட்டம். புதையல் ரகசியம் புதைந்து கிடக்கும் சிலையை மியூசியத்தில் திருடி வைத்துக் கொண்டு, மற்றொரு சிலைக்காக அதை வைத்திருந்த அவளை! நம்ம ஹீரோ எப்படியோ அவளை மீட்டு, தப்பிப் பிழைக்கிறது வரை சிரித்துக் கொண்டே இருக்கலாம். 

மகளிர் தினத்தில்...

 

பொக்கிஷமாகப் பாதுகாத்த தன் 300 வருட ஆன்டீக் பீங்கான் பிளேட்டுக்கள்! கழுவும்போது வேலையாள் உடைத்துவிடுவதைப் பொறுக்க முடியவில்லை அந்தப் பெண்ணால். தானே செய்யவும் சிரமம். அதற்கொரு மெஷின் இருந்தால் எத்தனை நன்றாயிருக்கும்! தேடினார். கிடைக்கவில்லை. நாமே ஒன்றைக் கண்டு பிடித்துவிட வேண்டியதுதான் என்று இறங்கினார். கணவர் கடன் வைத்துவிட்டு மரித்துவிட, கண்டுபிடித்தாக வேண்டிய கட்டாயமும் நேரிட...

யோசித்தார். தண்ணீரின் அழுத்தத்தையே தேய்க்கிற கையாக்கினால் என்ன? செய்ய ஆரம்பித்தார். படிக்காத இவர் சொன்ன ஐடியாக்களை படித்த ஆண் உதவியாளர்கள் ஏற்கவில்லை, தாங்கள் தோற்கும் வரை!

உருவானது ஒரு உபயோகமான டிஷ் வாஷர்! உடனே பேடன்ட் வாங்கினார். சிகாகோவில் ஓர் கண்காட்சியில் போட்டிக்கு வைக்கப்பட்டிருந்த மெஷின்களில் அதுவே அனைவரின் கவனத்தையும் ஈர்த்தது. உள்ளேயே ஒன்பது ஹோட்டல்கள் அதை உபயோகித்தன. முதல் பரிசை அனாயாசமாகத் தட்டிச் சென்றது.

அம்மாக்கள் அனேகருக்கு 'அப்பாடா!'வைத் தந்த அதை ஆக்கிய Josephine Cochrane பிறந்தது...

இதே மகளிர் தினத்தில்.