அவள் - (கவிதைகள்)

155

இரு விழிகள்தாம்

ஒரு பார்வைதான்

இதயத்தின் ஆழம் வரை

ஊடுருவுகிறதே…

156

படைத்த கையைத்

துடைத்துவிட்டு

அழகு கேட்டது

அப்புறம் யார்?

157

இன்னும் எழுதவில்லை

உன்னிடம் நேரில் சொல்லத்தக்க 

ஓர் கவிதையை.

158

ஒரு பார்வைதான் வீசுகிறாய்

உருவியெடுத்து விடுகிறது

ஒரு வருட நினைவுகளை என்

கண்ணிலிருந்து.

159

விழிகளிலும் தெரிகிறது

உன் நாணம்.

160

இவ்விடம் அவள் மீது

கவிதை எழுதி தரப்படும்:

மனதில் தொங்காத பலகை.

161

எழுதும்போதே

கரைகின்றன வார்த்தைகள்

மனதில் உன்னை

நினைத்து.

><><><