வார்த்தை வதை

ஓராயிரம் கவிதைகளைத் தம்முள்

ஒளித்து வைத்துக்கொண்டு

ஒன்றும் தெரியாத அப்பாவிகளாக

என் முன் குறுக்கும்நெடுக்குமாக

வலம் வருகின்றன வார்த்தைகள்

காதலின் பாரம் அவற்றின் நடையில்

சொல்லொணா கனத்தை

ஏற்றி வைத்துள்ளது.

இன்னும் அழகின் சாரம்,

வாழ்க்கையின் கோரம்

என்று பல...

வழி விலக்கிக்கொண்டு நடக்கிறேன்

வழி விட்டாற்போல விலகி

அவை என்னைச்

சுற்றிவளைத்துக் கொள்கின்றன

சில சமயம் எனக்கு தோன்றுகிறது

விடுபட வேண்டாமென்று.

<<<<>>>