ஆவிகளைக் காண்கிற கோல் என்ற சிறுவனுக்கு ஆலோசனை சொல்லும் மனோ நிபுணராக ப்ரூஸ் வில்லிஸ் (Bruce Willis) வருகிறார். அவனுக்கு எப்படியாவது உதவ வேண்டும் என்று அவர் முயல்வதும் இன்னொரு பக்கம் தன் மனைவி தன்னை அடியோடு அலட்சியப் படுத்துவதை சகிப்பதுமாக உழலுகிறார்.
நிறைவேறாது போன ஏதோ ஒன்றுக்காக அலையும் ஆவிகளுக்கு அதை முடிக்க உதவலாமே என சிறுவனுக்கு ஒரு வழியமைத்துக் கொடுக்கிறார். உதாரணமாக, தன் சித்தி விஷம் தந்து தன்னைக் கொன்றுவிட்டதை தற்செயலாக விடியோ எடுத்திருந்த சிறுமி கைராவின் ஆவி, தன் தங்கைக்கும் அதே விஷ(ய)ம் நடந்துவிடக் கூடாதே என்று துடிக்கிறது. அந்த விடியோ டேப் அவளது தந்தைக்குக் கிடைக்கச் செய்கிறான் கோல். ஆவி சாந்தியடைகிறது.
பதிலுக்கு இவருக்கு உதவ நினைக்கிறான் சிறுவன். அவர் பேசும் போதெல்லாம் கேளாது செல்லும் மனைவியிடம் அவள் தூங்கும்போது சென்று அவளைத் தான் மிக மிக நேசிப்பதை சொல்லச் சொல்கிறான். சொல்கிறார் ப்ரூஸ். அவளும் தூக்கத்தில் பதில் சொல்கிறாள். இந்தக் கடைசிக் காட்சியில்தான் அந்த breath taking சஸ்பென்ஸ்! படம்: ‘The Sixth Sense.’
'புதிய பறவை'க்குப் பின் அந்த அளவு ஷாக் தரும் கதாநாயகன் இதில்தான்! சஸ்பென்ஸ் தெரிந்தபின் மறுபடி முதலிலிருந்து பாருங்கள். எல்லா காட்சிகளுமே ரசிக்கலாம் வேறொரு வடிவத்தில்.
பிரபல மனோஜ் நைட் ஷ்யாமளன் எழுதி இயக்கிய படம் அது. இருவருக்கும் அது ஒன்றே போதும்!
Bruce Willis.. இன்று பிறந்த நாள்!
‘Die Hard’ அவரை உலக பாப்புலர் ஆக்கியது தெரிந்ததே. ஆக 2.5 பில்லியன் டாலர் வசூலித்திருக்கின்றன இவர் படங்கள், அப்புறம் டாப் டென்னில் இடம் பெறக் கேட்பானேன்?
2 comments:
முடிவில் 'அதானே...?' என்று நினைக்க வைக்கிறது..
தெரியாத தகவல்கள். பிறந்த நாள் கொண்டாடும் அவருக்கு வாழ்த்துகள்.
Post a Comment
உங்கள் எண்ணத்தை தெரிவியுங்களேன்!