அவள் - (கவிதைகள்)

128

வா பேசிக்கொண்டிருக்கலாம்

கொஞ்ச நேரம்..

ஒரு நாலு நாள்!

<>

129.

வெளியே பனி கொட்டுகிறது

வந்து விடு,

என் இதயத்துக்குள்.

<>

130

எத்தனை புரண்டாலும்

வந்து உன்னைப் பார்க்க முடியாமல்

திரும்பி செல்கின்றன

அலைகள்!

<>

131

கண்ணிலிருந்து அதிகம் வருகிறதா

உதட்டிலிருந்தா என்று

கண்டு பிடிக்க முடியவில்லை..

உன் சிரிப்பை!

<>

132

நீ மௌன விரதமிருந்தால்

எனக்கொன்றுமில்லை..

எல்லா சேதியையும்

கண்களே சொல்லிவிடுகின்றனவே?

<>

133

தினம் ஒரு புத்தக வெளியீட்டு விழா

நடக்கிறது மனதில்..

உன்னைப் பற்றிய என்

நினைவுகள்.

>><><><<