Saturday, April 1, 2017

அவள் - கவிதைகள்

391.
என்னை எங்கோ கொண்டுபோன
உன் புன்னகை
திரும்பக் கொண்டு விடவேயில்லை.

 392.
எப்படித் தேர்ந்தெடுத்தேன் நான்?
வியப்பு நேரவில்லை.
எப்படித் தேர்ந்தெடுத்தாய் நீ?
வியப்பு தீரவில்லை.

393.
காலத்தைப் பூவாக்கி
கையில் தருகிறாய்...

394.
நீ சென்றதும் 
சிரித்தன மலர்கள்,
அப்பாடா,
அகன்றது போட்டியென.

395.
எத்தனை யாசித்தாலும் 
அத்தனை யோசிக்கிறாய்
ஒரு சிரிப்புக்கு முன்.

396.
இன்றைக்கு என்ன கிழமை?
கேட்காதே என்னை.
எல்லாமே உன் கிழமைகளாகிப் போனபின்
எப்படிச் சொல்வேன்?

 397.
வேறென்ன,
உன் அன்பின் உயரத்தைத்தான்
அளந்து சொல்லச் சொன்னேன் 
அந்த நட்சத்திரத்திடம்.

398.
கவிதை தோன்றவோர் 
இடமில்லை இதயத்தில்...
நீ நிறைந்திருப்பதால்.

 399.
வாசலில் நீ இட்ட கோலம்
மனசில் நீ நான் இட்ட கோலம்.

அவள் - 400.
பாதை நீ வகுத்தாய்,
பயணமானோம் நாம்.

><><

2 comments:

வெங்கட் நாகராஜ் said...

அனைத்தும் அருமை. ரசித்தேன்.

கரந்தை ஜெயக்குமார் said...

அருமை
தங்களை வலையில் சந்தித்து
நீண்ட நாட்கள் ஆகிவிட்டன நண்பரே
தொடருந்து எழுதுங்கள்

Post a Comment

உங்கள் எண்ணத்தை தெரிவியுங்களேன்!