சர்பட்டா பார்த்து ஏற்பட்ட பாக்ஸிங் உற்சாகம் தீர்வதற்குள் இவரைப் பற்றி சொல்லி விடுகிறேன். எவராலுமே தோற்கடிக்கப்படாதவராக ஒரு பாக்ஸிங் ஹிஸ்டரியை வைத்துக்கொண்டிருந்தவர் இவர்.
Rocky Marciano... இன்று பிறந்தநாள்.
ஐம்பதுகளில் உலக ஹெவி வெய்ட் சாம்பியனாக தொடர்ந்து நான்கு வருடங்கள் இருந்தவர். ஹெவி வெயிட் போட்டிகளில் உலகின் மிக அதிகமான நாக்அவுட் சதவீதமும் இவருடையதுதான். 49 க்கு 43 மேட்சில்.
24 வயதில் களத்தில் குதித்தவர் தொடர்ந்து 17 பேரை நாக்-அவுட்டில் தோற்கடித்தார்.
1956இல் Archie Moore -ஐ ஒன்பதாவது ரவுண்டில் வீழ்த்தியவர் சில மாதங்களில் தன் ரிட்டயர்மென்ட்டை அறிவித்தார். உச்சத்தில் இருக்கும்போதே ஒதுங்கியவர் மிச்சத்தை நடுவராக, வர்ணனையாளராக கழித்தார். டி.வி ஷோவும் நடத்தினார்.
எந்த அளவுக்கு பாப்புலர் என்றால் பிற்பாடு 1969இல் பிரபல முகமது அலியும் இவரும் மோதுகிறாற்போல ஒரு கற்பனைப் படம் எடுத்தார்கள். (‘The Superfight’) யாரை ஜெயித்ததாக காட்டுவது? இரண்டு பேரையும் தான். ஒவ்வொரு வர்ஷனில் ஒருவர்.
மேடையில் சோடை போகாதவர் மரித்தது ஒரு விமான விபத்தில். மறுநாள் அவரது 46 வது பிறந்த தினம். சோகம் என்னன்னா ரொம்ப ஈஸியா தவிர்த்திருக்கலாமாம் அந்த விபத்தை. அத்தனை மோசமாக இருந்திருக்கிறது வெதர்.
இவர் கதை டெலிவிஷன் படமாக வந்தது 1999இல்.
No comments:
Post a Comment
உங்கள் எண்ணத்தை தெரிவியுங்களேன்!