அவள் - 7

37

என்றேனும் ஓர் நாள்

நீ

என் முகம் பார்க்கக்கூடும்

ஏராளம் கவிதைகளை

விலக்கிகொண்டு!

<>

38

சேர்த்துக் கொள்வதற்கில்லை

உன் மீது

கவிதை பாடாத நாட்களை

என் வாழ் நாளுடன்.

<>

39

உன் அனுமதியின்றி

வெகு நேரமாக

உன்னுடன்

பேசிக்கொண்டிருக்கிறேன்

என் கனவில்.

<>

40

எட்டிப் பார்த்தேன் வெளியே

நீ நடந்து போய்க் கொண்டிருந்தாய்

உன் பின்னே நானும்.

போவதைப் பார்த்தேன்.

<>

41

எங்கேயும் நான்

வழி தவறிச் சென்றுவிடாதபடி

கூடவே

உன் நினைவுகள்.

<>

42

கறுப்பு வெள்ளையாக

இருந்த என்

கனவுகள்

கலரில் தெரிய ஆரம்பித்தது

உன்னை சந்தித்ததிலிருந்து.

<>

43

இருபத்தி நாலு மணி நேரத்தில்

இருபத்து மூன்று மணி

உன்னைப் பற்றியே

எண்ணுகிறேன்…

ஒரு மணி நேரம்

உன் மீது கவிதை

எழுதுகிறேன்.

><><><><

(படம்- நன்றி:கூகிள்)